Posts

Very Deep Sad Shayari Lines on Love in Hindi 😟

Ek aisa daur tha jab tum meri zindagi me aaye the,
Din raat karte the pareshan mere dil-o-dimaag par chaaye the,

Aadhi raat me tere msg mujhe satate the,
Din me bhi tere paigaam dil mera dhadkaate the,

Mera chain le leti thi teri baate itna dukhi mujhe tum karte the,
Mana pyar nahi tha par thoda to tum bhi mujhpe marte the,

Akasar jab milta tha tujhse to sehem sa jata tha,
Na ho jaaye bayan dil ka haal isiliye tujhse nazre mai churata tha,

Kahaani ye apni jaane aaj kis daur pe aa gayi,
Khushiya jaane kaha gayi bas gamo ki parchaai chaa gayi.

Love Emotional Heart Touching Sensitive Shayari Lines 😣

Is dil ne kabhi pyar kiya na tha,
Kabhi koi pyar ka ehsaas bhi kisiko diya na tha,

Nadaan tha bechara rehta tha chupchap jaise bejubaan tha,
Kya hota hai dil lagana is baat se bhi ye dil anjaan tha,

Behlaane ko dil apna ek shaqs ne is dil se pyar kiya,
Phir roz ek naye dard ka khanjar is dil ke paar kiya,

Ghaav itne mile ki ab ro rokar ye dil dhadakta hai,
Na sunta hai kisiki ab bas chupchap akela tadapta hai.

Latest Dard Bhari Bewafa Shayari Aansu SMS Lines 😭

Uski bewafai ne meri rooh ko rulaya hain,
Aansuo ka sailaab meri aankhon me aaya hain,

Jhuthe uske waado ne jaal aisa bichaya hain,
Masoom dil mera ab tak sambhal nahi paya hain,

Khushi ke kuch jhuthe pal dekar khel aisa khela hain,
Apno ki is bheed mein bhi ye dil bilkul akela hain,

Na rahi koi khushi na pyar karne ka koi ab irada hain,
Jeena bhi hai mushkil ab to dil ka dard hi itna jyada hain.

Bewafa Sanam Heart Broken Shayari Fake Love SMS 😖

Cheen li meri hasi usne jhutha pyar dikha kar,
Tod diya mera dil kuch jhuthe khwaab saja kar,

Meri rooh me samakar mujhe khudse juda kar diya,
Lekar vishwas ka naam usne mujhse daga kar diya,

Uske Jhuthe pyar ki aahatein ab bhi mere dil ko tadpa rahi hai,
Ro raha hai kambakht dil kyuki uski yaad aa rahi hai,

Ishq ke is khel me dil mera is kadar toota hai,
Har koi saccha hai is jag me bas uska pyar hi jhutha hai.

Dard Bhari Shayari on Breakup In Hindi 😖

Ab unki aadat ho gayi mujhe har waqt rulaane ki,
Maano jaise main koi cheez hu mann behlane ki,

Jo karte the kabhi khush rehne ki baatein,
Khush bhi ab wo mujhe dekhna nahi chahte,

Mere dard se unhe ab koi bhi farak padta hi nahi,
Par nadaan dil mera jo unko chhod aage badhta hi nahi,

Unke siwa nahi koi mera jo dil ko mere samjhayega,
Dil unka to bhar gaya ab tanha ye dil tadap kar hi mar jayega.

Heart Touching Emotional Shayari for Girlfriend Boyfriend 😟

Tere ek waade se mere jeevan me khushiya aayi thi,
Phir sapno me bhi shaame apni maine sang tere bitayi thi,

Ab kyu phir is kadar wo waada tune tod diya,
Phir kyu meri khushiyo ko gamo se jod diya,

Meri khushiyo se badhkar tujhe ye gam dena kya itna pyara hai,
Phir kyu baar baar kehte ho mere dil pe likha naam tumhara hai,

Kambakht is dil ne har kadam par gam hi gam jhele hai,
Nahi tujh bin khushiya meri hum is duniya me yaar bahut akele hai.

Bewafa Sanam Dard Bhari Aansu Shayari in Hindi 😭

Phir se dil me tamanna jagi tera saath paane ki,
Phir se tune bata diya nahi jarurat tujhe is deewane ki,

Phir se main behak gaya tere jhuthe pyar ke waado me,
Phir se dil toot gaya tere mann behlaane wale iraado me,

Phir se mere ehsaaso ko tune pyara sa ek pal diya,
Phir karke bewafai tune armaano ko mere kuchal diya,

Phir se aansuo ki nadi me mujhe tu chhod gaya,
Phir se pyar ke khwaab dikha kar dil mera tu tod gaya.
Hindi Shayari Image
Whatsapp News

Popular Posts

Broken Heart Dard Bhari Shayari Lines in Hindi 😭

Best Dard Shayari in Hindi Text SMS Status 😖

Romantic Shayari SMS Lines for Lovers in Hindi 😍

Awarapan.in © 2019 - 2020
Powered by MYSHAYARIZONE
Made with in India